འཕྲུལ་རིག་གི་མཁོ་ཆས་blogging site, Google Classroom messaging tool

འཕྲུལ་རིག་གི་མཁོ་ཆས་blogging site, Google Classroom messaging tool ཚུ་ལག་ལེན་འཐབ་སྟེ་ ལྷབ་སྦྱང་འབད་མི་ཚུ་ལུ་དང་པ་ བརྡ་དོན་སྤྲོད་ལེན་འབད་ནི་ལུ་སྤྲོ་བ་དང་ དང་འདོད་བསྐྱེད་དེ་དོན་སྨིན་ཅན་ལུ་འགྱུར་བའི་ཕན་པ་དང་ ལྷབ་སྦྱང་འབད་མི་དང་ལམ་སྟོན་འབད་མི་ གཉིས་ཆ་རའི་ཧོང་ལས་གོ་ཡངས་ཀྱི་ཐོག་ལས་ མཉམ་འབྲེལ་འབད་དེ་ སློབ་སྟོན་དང་འབྲེལ་བའི་བརྡ་དོན་དང་ ཐོན་སྐྱེད་ འཚོལ་ཞིབ་འབད་ནི་དང་ ཕམ་ཚུའི་ཁ་ཐུག་ལས་འབད་རུང་སློབ་སྦྱོང་ཡར་འཕེལ་གྱི་དོན་ལུ་རྒྱབ་སྐྱོར་འབད་ནི་དང་ ཨ་ལུ་ཚུ་གི་ལཱ་གི་སྐོར་ལས་ཧ་གོ་ནི་ཚུ་གི་ཕན་པ་ཡོདཔ་ཨིན། དེ་ལས་ང་བཅས་དུས་རྒྱུན་ལག་ལེན་འཐབ་མི་མཁོ་ཆས་འདི་གིས་གྲོས་བསྡུར་ དངོས་འབྲེལ་འབད་དེ་འབད་ནི་དང་ དེ་འབད་དུས་ཚོད་མེད་པ་ཅིན་ དངོས་འབྲེལ་འབད འཛོམས་མ་དགོ་པར་zoomདང་Padlet ལ་སོགས་ཚུ་ལག་ལེན་འཐབ་སྟེ འབད་ནི་ཚུ་ཡོདབ་མ་ཚད་ མཐོང་ཐོས་ཀྱི་དོན་ལུ་ཡང་ བཤུད་བརྙན་ppt དང་གློག་བརྙན་ Piktochartཚུ་ཡང་ལག་ལེན་འཐབ་བཅུག་སྟེ་འབད་བ་ཅིན་ ལྷབ་སྦྱང་གི་ལྕོགས་གྲུབ་ཚུ་སྔར་ལས་ལྷག་འབད་ ཡར་འཕར་འགྱོ་ནི་གི་ནུས་པ་དང་ཉམས་མྱོང་ཡང་ ལེ་ཤ་འཐོབ་ནི་གི་ཕན་པ་སྦོམ་ཡོདཔ་ཨིན་ ཨིན་རུང་ད་ལྟོའི་གནས་སྟགས་དང་བསྟུན་པ་ཅིན་ འཁོ་ཆས་ སྤྱི་སྙོམས་འབད་མེདཔ་ལས་གདོང་ལེན་ཚུ་ཡང་ཡོདཔ་ཨིན་ནོ། འགྲོ་འགྲུལ་བཀག་དམ་གྱི་སྐབས་སུ་ ང་རའི་སློབ་སྟོན་དང་ལྷབ་སྦྱང་གི་སྐོར་ལས་ བཀོད་པ་ཅིན་ ད་ལྟོ་ཚུན་དངོས་འབྲེལ་འབད་ར་སློབ་སྟོན་འབད་སྡོད་ནི་འདི་གིས་ ཧང་ཏོ་མ་ དངོས་འབྲེལ་མེན་འབད་སློབ་སྟོན་འབད་དགོཔ་དང་ ག་དེ་སྦེ་འབད་ན་མ་ཤེས་པར་ནང་དོག་པའི་དུས་སྐབས་ཅིག་ཡང་ཤར་ཡོད་ཟེར་ཞུ་ནི་ཨིན། ཨིན་རུང་རང་གི་ཧོང་ལས་ ཆ་རོགས་གནས་སྐབས་ཡོད་མི་ཚུ་དང་གྲོས་བསྡུར་འབད་དེ་ དང་པ་ར་སློབ་ཁང་གི་སྡེ་ཚན་WeChat ལག་ལེན་འཐབ་སྟེ་སློབ་སྟོན་འབད་ཡོད་རུང་ བྱ་སྟབས་མ་བདེ་འབྱུང་ཡོདཔ་ལས་ དེ་ལས་ཚུར་རིམ་བཞིན་ Google Apps ཚུ་ལྷབ་སྦྱང་འབད་དེ་ སློབ་ཕྲུག་ཚུ་དང་ཡོངས་འབྲེལ་འཕྲུལ་རིག་ཐོག་འབྲེལ་བ་འཐབ་སྟེ་སློབ་སྟོན་འབད་དེ་ འཕྲུལ་རིག་ལུ་ཧེ་མ་ལས་སྤྲོ་བ་ཡོད་པའི་ཁར་ ལྷག་པར་དུ་སྤྲོ་བ་འབྱུང་སྟེ་རང་གི་ཁ་ཐུག་ལས་ སློབ་ཕྲུག་ཚུ་དང་ག་དེ་མང་མང་འབྲེལ་མཐུད་འབད་དེ་ ལྷབ་སྦྱང་དང་འབྲེལ་ ལམ་སྟོན་པ་ཡང་འབད་དེ་ཡོད་རུང་ བདག་གཞན་གཉིས་ཀ་ལུ་ མཐུན་རྐྱེན་ཕུན་སུམ་ཚོགས་མ་ཚུགསཔ་ལས་ གདོང་ལེན་ཡང་མངམ་ར་འབྱུང་ཡོད་ཟེར་ཞུ་ནི་ཨིན། ད་ལས་ཕར་ལྷབ་སྦྱང་གི་དོན་ལས་ འཕྲུལ་རིག་ཚུ་ག་དེ་འབད་ར་ ལག་ལེན་འཐབ་ནི་སྨོ་ཟེར་བ་ཅིན་ • དབང་པོ་མ་ངལ་བར་ཧུ་རི་རི་འབད་ལྷབ་སྦྱང་འབད་ནི་གི་དོན་ལུ། • སྤྲོ་སྣང་ཅན་གྱི་སྦྱོང་ལཱ་གི་དོན་ལུ་ ཕན་ཚུན་འབྲེལ་བའི་སློབ་སྟོན་འཆར་གཞི་ཚུ་བཟོ་སྟེ་ གྲོས་བསྡུར་དང་རིག་རྩལ་ཡར་འཕར་གཏང་ནི་གི་དོན་ལུ། • ལྷབ་སྦྱང་ཡར་དྲག་གཏང་ནི་གི་དོན་ལུ། • མི་ཚེའི་རིག་རྩལ་འཐོབ་ཐབས་ལུ། • ལག་ལེན་དངོས་འཐབ་ཀྱི་དོན་ལུ། • དུས་མཐུན་འབད་དོན་ནི་གྱི་དོན་ལུ གློག་རིག་ བརྒྱུད་ཕྲིན་ ཐབས་འཕྲུལ་ ཐབས་ཤེས་ དེ་ལས་ དོན་ཚན་དང་འབྲེལ་བ་ཡོད་པའི་Apps་མ་འདྲཝ་ཚུ་ལག་ལེན་འཐབ་ནི་ཨིན།